Fréttir

Svona lítur Einhverfa út - Nýju bolir Einhverfusamtakanna komu úr prentun rétt fyrir Reykjavíkurmaraþon Íslandsbanka. Hönnuðirnir eru Auður Ákadóttir og Steingerður Lóa Gunnarsdóttir. Bolirnir eru einstaklega fallegir og með sterk skilaboð út í samfélagið. Þeir eru seldir á skrifstofu Einhverfusamtakanna. Í lok apríl í fyrra komu upp umræður í Skynsegin facebookhópnum hvort það væri ekki sniðugt að búa til prófílmyndaramma sem sýndi fólki að einhverfa væri allskonar og að einhverfir væru stærri hluti af samfélaginu en marga grunar. Fólk á einhverfurófi lendir oft í því að heyra: Þú lítur ekki út fyrir að vera einhverf.